Pilar López Román óleos
Escenas cotiás da vida, a paisaxe e os soños galegos: a chuvia sobre a pedra, os reflexos e a luz do Atlántico.
Últimos cadros
Nada en Ponferrada, coruñesa de corazón
Diplomada en Belas Artes e discípula de Lolita Díaz Valiño, Quintas Goyanes e Mariano García Patiño, presentou a súa primeira exposición en 1977 no Concello da Coruña.
En 1999 volveu á pintura con gran intensidade, empregando o óleo sobre lenzo e o estilo realista. A súa obra reproduce paisaxes galegas vividas ou soñadas, afondando nos reflexos da chuvia sobre as lousas de pedra, en espellos e cristais, nas súas mariñas, amenceres e solpores.
Na súa evolución son tamén importantes as súas creacións simbólicas e de realismo fantástico: as terrazas imaxinarias —outra forma de observar Galicia— e os espellismos.
Biografía e exposicións →«As paisaxes móstranse tras unha lupa que as examina coidadosamente e as transfire ao lenzo libres de impurezas, inmaculadas.»
Francisco Arroyo Ceballos, crítico independente